Nasapwan kahapon ang bangkay sang isa ka lalaki nga nalubong sa idalom sang NGCP tower sa Prk Katilingban Barangay Vista Alegre sa Bacolod.
Sa imbestigasyon sang Police Station 8, una nga napanimahuan sang residente ang malain nga baho gikan sa amo nga tower gani iya ini gin pabalo sa barangay kag didto na nakutkutan ang bangkay sang isa ka lalaki.
Tigayon nga nakilal-an kagab-i ang biktima nga amo si Alex Soberano, 50 anyos, nga nadakop kag na preso na sadto may kaangtanan sa kaso sa iligal nga droga.
Suno kay Captain Elmer Bonilla, hepe sang Police Station 8, si Soberano ang gin report nga gin abduct sa gwa lang sang Bacolod-Silay Airport sang Hulyo 21.
Gikan Manila suno kay Bonilla ang biktima kag nakita pa sang iya anak nga pwersa nga ginpa sulod siya sa isa ka toyota innova.
Ginlagas sang anak apang madasig ang pag padalagan sang salakyan. Ulihi naman sila nga naka report sa Silay PNP suno kay Bonilla.
Ginahibalo pa karon sang PNP kun sin-o ang may kahimuan sini kag kun ano ang motibo sa pag patay kay Soberano.
Isa sa ila karon gina lantaw nga motibo nga mahimo may kaangtanan ini sa iligal nga droga.