Nasapwan nga wala na sang kabuhi ang 28-anyos nga lalaki sa higad sang Binalbagan River sakop sang Sitio Palaypay, Barangay Quintin Remo sa banwa sang Moises Padilla.
Ginsiling ni alyas “Cris”, asawa sang biktima nga si alyas “Henry”, naghalin sa ila balay ang iya bana agud nga manguha sang isda sa suba gamit ang improvised electrocution device.
Sa inisyal nga imbestigasyon, nagwa nga nakuryente ang biktima samtang ginagamit ang iya improvised electric fishing gear.
Isa ka 10-anyos nga lalaki ang nakakita sa bangkay sang biktima.
Wala naman sang may nakita nga foul play ang kapulisan sa insidente.
“Post-mortem examinations para mabal-an gid naton kung ano gid ang posible gid kag other cause pa sang iya kamatayon. So far sa aton mga physical examination, wala kita sang may nakita didto sang mga other wound or injuries or matawag naton nga foul play sang iya kamatayon. Amo na ang aton initial investigation nga nakuha”, suno kay Police Major Ryan Villasario, hepe sang Moises Padilla PNP.
[sibwp_form id=1]