Nagakaagnas na ang bangkay sang 34-anyos nga lalaki sang siya ang makit-an sa Binalbagan River, sakop sang Barangay Macagahay sa banwa sang Moises Padilla, mga la-1:20 sang hapon, sadtong Domingo, Agosto 2.
Ginsiling ni Police Major Ryan Villasario, hepe sang Moises Padilla PNP nakit-an ang biktima duha ka adlaw matapos siya ang naanod sa suba sang Biyernes, Hulyo 31.
Nagwa sa imbestigasyon nga nagpadulong sa suba ang biktima kag iya 23-anyos nga utod agod kuntani nga manguha sang isda gamit ang improvised electrocution fishing device.
Nagatabok sila sa suba sang gulpi lang nagbulyada ang tubig kag sila ang gin-anod. Nakasalbar ang manghod kag nakaangkon sang minor injuries apang ang biktima ang nalumos.
Mga isa man ka kilometro ang kalayuon sang lugar kun diin nasapwan ang biktima, sa lugar nga siya ang naanod.
[sibwp_form id=1]