Caught in the act sang Public Order and Safety Office sang Bacolod City ang isa ka 36 anyos nga lalaki nga ginapatihan naga pang lagari sa mga metal grill sa atubang sang Negros Occidental High School, pasado la una sang kaagahon sang Domingo.
Ginkilala ang lalaki nga si alyas Macoy, taga Purok King Fisher, Barangay 16 sa Bacolod.
Siya ang ginatudlo man sa likod sang iban pagid nga mga kaso sang pagpang-utod sang mga railings sa iban nga lugar sa siudad.
Ginsiling ni Bacolod City Mayor Greg Gasataya nga subong nga adlaw ginpasakaan na sang kaso nga theft ang suspetsado.
Dugang niya, indi lamang isa ka persona ang nagahimo sang amo nga krimen kag posible nga kilalahay lang man ang mga ini.
Nagpaandam man ang alkalde sa mga nagahimo sini nga maabot gid ang adlaw nga madakpan sila.
Sa karun yara sa kustodiya sang Police Station 1 ang suspetsado.
[sibwp_form id=1]