National Inter-Agency Task Force ang nag pa gwa na sang protocol para sa mga fully vaccinated individuals. Angut diri ginapaabot ang pag pa gwa sang executive order ni Negros Occidental Governor Eugenio Jose Lacson.
Nagakasayuran nga ang mga fully vaccinated individuals ang indi na kinahanglan pa nga magpakita sang ila nga negative swab test result kun sila ang maga bihaye man lamang sa sulod sang Pilipinas sandig sa IATF-EID Resolution 124-5.
Kinahanglan lamang nga ipakita sang isa ka fully vaccinated individual ang iya sini nga vaccination card para sa interzonal ukon intrazonal nga pagbiyahe.
Ang intrazonal movement naga tumod sa pagpadulong sa mga lugar nga may pareho nga community quarantine status kag indi maglabay ukon mag-agi sa lugar nga may lain nga classification ang interzonal travel naman nagatumod sa pagbiyahe sa mga lugar nga indi pareho ang community quarantine status.
Suno kay Lacson, mahimo ang amo nga lihok ang maga engganyo sa mga pumuluyo nga magpabakuna karon nga mas mangin mahapos kag masulhay para sa ila ang pagbiyahe.
Samtang, suno kay Atty Rayfrando Diaz, ginalantaw sang probinsya ang pagbutang sang QR codes para sa fully vaccinated individuals para malayo sa falsification ang amo nga sahi sang mga credential.