Banwa sang La Castellana ang nag pahamtang na sang mga checkpoint sa mga boundary ukon entry points sang banwa may kaangtanan sa ila nga pag patuman sang pork ban.
Suno kay Mayor Añejo Nicor, mismo ang Municipal Agriculturist ang naga pamuno sang monitoring.
Ano man nga gina dumilian sa EO ang ipatuman. Indi lamang katapo sang Agriculture Office ang nalakip sa team nga maga monitor, updan man ini sang katapo sang PNP sa pag pasiguro nga mangin sulhay ang tanan.
Wala sang gin-report pag kapatay sang baboy sa La Castellana kag ang pag patuman sang pagdumili sang pagsulod sang buhi nga baboy gikan sagwa sang banwa tuyo nga mapangapinan ang negosyo sang mga hog raisers sang banwa.
Ginkumpirmar ni Negros Occidental Governor Eugenio Jose Lacson sang Martes ang ASF cases sa pila ka mga lugar sa probinsya kag kalabanan sa mga lugar ang yara sa sur nga bahin.
Ginkumpirmar man ni Mayor Jilson Tubillara sang San Enrique nga positive sila sa ASF.
Sa bahin naman sang Talisay, Ginsiling ni Mayor Rowena Lizares, nga istrikto sila nga naga monitor man sang naga sulod nga livestock. Tuyo man nila nga mag butang sang checkpoints.
[sibwp_form id=1]