Padayon ang construction sang bag-o nga Provincial Administration Center pero ang maulanon nga panahon sa karon ang naga apekto sa trabaho.
Suno kay Provincial Engineer Ernie Mapa, ginapatigayon sa karon ang excavation para sa basement kasubong man foundation sang amo nga building. Kay maulanon ang panahon sa karon suno kay Mapa, naga ka apektuhan ang ginapatigayon nga olobrahon.
7-storey ang bag-o nga Provincial Administration Center nga naga lakip na sang basement nga maga serbe nga parking area. Mahuman ang construction sa sulod sang tatlo ka tuig suno kay Mapa.
Malapit sa isa ka bilyon ka pesos ang bili sang proyekto nga tatlo man ka tuig nga na delay. Samtang, wala pa sang go signal suno kay Mapa ang proyekto para sa pag patukod sang multi-use commercial building.
May bahin sa daan nga building nga napahamtang sa duta nga gin-lease sang Dynamic Builders ang padayon pa sa karon nga ginagamit suno kay Mapa. Padayon naman ang repairs sa Food Terminal Market tuga sang halit sang Bagyo Odette. Gina paabot sa tunga-tunga sang Agosto maga sugod ang operation sa Negros Food Terminal Market.
“Nag dugang excavation para sa foundation. About to full scale pa sila. Ang cause sang delay ang unworkable weather condition. Sa subong ang weather ta intermittent man, medyo naga hamper sa ila nga excavation. Kun makasaka na na siya, maka foundation na, maka slab na siya sa ground floor, tuloy tuloy naman na siya. Medyo madugay- dugay ang foundation”, suno kay Mapa.