Naglab-ot sa 112 ka mga balay tanan ang nahalitan.
Ginsiling ni Fire Inspector Jemarie Tapiru, ang deputy fire marshall sang Bacolod BFP, nga nagsugod ang kalayo sa isa ka boarding house nga ginapanig-iyahan ni Renelyn Roderos.
Sa ila imbestigasyon, may buho ang sin sang storage room sang amo nga boarding house kag ginpalusot diri ang isa ka electrical wire.
Sang nagkusog ang hangin, posible nga nagisi ini kag amo ang gintuna-an sang pagsigrab kag pagkalayo. Suno pa kay Tapiru 103 tanan ka mga balay ang totally destroyed samtang siyam naman ang partially damaged.
Sa record sang Department of Social Services and Development sang siudad, masobra sa 800 ka mga indibidwal ang apektado. Lakip diri ang 42 ka sharers kag 28 ka renters.
Nagdangat man sa 1.7 million pesos ang halit nga ginbilin sang sunog samtang wala naman sang may na report nga nasamaran.
Ang mga biktima temporaryo nga nagatinir sa gym sang barangay samtang ang iban yara naman sa St. Carmen Salles School sa amo man nga barangay. Ginsiling ni Alma Gustilo, persons with disability officer, nga natalana naman nga ipanagtag ang financial assistance sang mga nasunogan sini nga semana kun matapos na ang ila validation kag kon mapasa na ang tanan nga dokumento.
Ang tag-iya sang balay nga totally destroyed sarang makabaton sang P 15,000, samtang P10,000 naman ang partially damaged.
5,000 naman ang pwedi nga mabaton sang mga sharers kag renters.*
[sibwp_form id=1]