Ginpirmahan na Lunes sang aga, Mayo 4, ni Bacolod City Mayor Greg Gasataya kag ni Sheryl Chua sang Forza Development Corporation ang contract of lease para sa duta sa Barangay Felisa nga pagatukoran sang Waste to Energy Facility.
Nakasaad sa amo nga kontrata nga magarenta ang Forza Development Corporation sang 1 million pesos per year para sa pag gamit sang duta sang siudad sa sulod sa 25 ka tuig.
Ginklaro man sang alkalde nga indi pa makasugod sang pag develop sang WTE facility bangud dependi pa ini sa desisyon sang Department of Energy kon nagakaangay gid man ang siudad para sa amo nga inisyatibo.
Wala man sang gastohon ang siudad kon tigayon na nga masugudan ang pag develop sang amo nga pasilidad.
Base man sa kontrata, ginadumilian sang siudad ang Forza nga mag-operate sang iban nga mga aktibidad sa sulod pasilidad, magluwas na lamang sa WTE development.
Kon tigayon na nga mapatukod ang amo nga pasilidad, siudad sang Bacolod ang mangin pinakauna sa bug-os nga Pilipinas nga may kaugalingon nga WTE Facility.*
[sibwp_form id=1]