Nakuhaan sang video ang kinagamo nga nagluntad sa isa ka bar sa dalan Lacson, Barangay Mandalagan sa Bacolod City, sang weekend.
Makita sa video ang pagrambol kag pagsinggitanay sang mga customers, staff kag bouncers sang nasambit nga ilimnan.
Sa statement nga ginpagwa sang management sang Cista nga bar, sila ang nagapangayo sang pasaylo sa tanan nga nakasaksi kag apektado sang nasambit nga insidente. Nagahimo na sila sang tikang agud malikawan ang kasubong nga hitabo.
Ila ginsiling nga ang nakuhaan lang sang video amo ang tion kun diin nagaginamo na apang wala na-capture ang natabo antes pa man ang insidente.
Base sa inisyal nga review sang bar, isa ka tawo halin sa grupo sang mga customers ang nagtinguha nga sakiton ang isa nila ka staff, rason nga nagka-tensyon.
Nagpasalig ang bar nga sila ang maka-cooperate sa imbestigasyon sang otoridad angot sa insidente.
[sibwp_form id=1]