Ginpost sa social media sang pamilya sang isa ka nagpositibo sa COVID-19 sa Barangay Felisa sa Bacolod City ang video sang pila ka mga katapo sang Barangay Health Emergency Response Team (BHERTS) nga nagkadto sa ila balay kag nagpahibalo sa ila nga kuhaon ang pasyente kag dal-on sa quarantine facility.
Suno sa nagpost sang video, wala nakasuksuk sarng Personal Protective Equipment ukron bisan face shield lang ang mga katapo sang BHERTS.
Pero sandig sa opisyal nga pahayag ni Felisa Punong Barangay Ramon Jardin, indi kinahanglan nga magsuksuk sang PPE ang BHERTS bangud nagpahibalo lamang sila sa pamilya nga magpreparar bangud kuhaon sang City Disaster Risk Reduction Management Office (CDRRMO) ang pasyente sa ila balay.
Gin-athag ni Jardin nga indi responsibilidad sang BHERTS ang pag extract sang positibo nga pasyente kundi ila lamang ginapahibalo ang pamilya sang resulta sang swab test para makapanghanda sila nga magpaidalum sa home quarantine.
Nagapahanumdum man si Jardin sa publiko nga respetuhon ang mga BHERTS bangud gina obra lamang nila ang ila katungdanan bilang mga frontliners kag nagasunod sila sa minimum health protocols.
Sa pagpagpakig angut sang DIGICAST NEGROS sa nagpost sang video iya man ginsiling nga napa athagan na sila sang Barangay kag naka sugilanon na sang kagab-i. Gindelete naman ang nag viral nga video.