Katapo sang Bacolod Joint Peace and Security Coordinating Council ang handa nga atubangon ang ano man nga reklamu ukon kaso angut sa resulta sang pinili-ay.
Magluwas sang defective nga vote counting machines nga naislan sa polling center sa Barangay Handumanan, wala na sang iban pa nga pormal nga reklamu nga nabaton ang katapo sang Bacolod JPSCC.
Suno kay Acting Election Officer Atty. Revo Sorbito, mga allegasyon sang vote buying kag dinayaay nga wala man sang pat ud nga ebidensya ang masami nila mabatian pero wala man sang may nanindugan para pormal nga magpasaka sang kaso.
Kun may yara man, handa ang Comelec kag bisan ang kapulisan sa Bacolod nga atubangon ini karon nga may resulta na ang pinili-ay.
Pangabay sang opisyales sang city JPSCC nga kuntani maghatagay na lang respeto ang mga bumuluto agud mapaiway ang posible pagluntad sang gamo tubtob matapos ang election period sa Hunyo.