Typhoid Fever cases sa Negros Occidental ang masobra sa 600. Anum ang napatay. Samtang cholera cases ang nagdangat na sa 20.
Sa report sang Provincial Health Office sa quarterly health board meeting, 623 ang typhoid fever cases sa Negros Occidental humalin sang Enero.
Anum ang napatay.
Ang pinaka uilhi nga kaso na record sadtong October 21.
“I was surprised in the report today na as early as January there was already a typhoid case”, suno kay Governor Eugenio Jose Lacson.
29 sa 31 ka mga LGU ang apektado sang typhoid fever suno sa PHO.
Suno kay Dr Ernell Tumimbang kasubong sang cholera, mahigko nga tubig ukon pagkaon ang gintunaan sang typhoid fever.
“We have to be concerned also of the typhoid cases”, suno kay Lacson.
Samtang, nagdangat na sa 20 ang cholera cases sa Negros Occidental kun sa diin duha ang napatay.
Isa ka tatlo ka tuig nga bata suno kay Tumimbang ang pinaka ulihi nga apektado sang cholera.
Samtang, may 457 naman ka na record nga acute gastroenteritis sa probinsya nga nag apekto naman sa onse ka mga banwa ka siudad.
Sa amo nga pagsinapol gintukod ang Provincial Food and Drinking Water Quality Montoring Committee. Ini ang maga bulig sa mga LGU sa pag patukod man sang kaugalingon sini nga mga monitoring commitees.
Sa 31 ka mga banwa kag siudad, 11 lamang ang may natukod na nga monitoring committee.
Suno kay Lacson, paagi sa Negros Association of Chief Executives, iya hinyuon nga ihaylo ang mga LGU nga wala pa naka tukod sang kaugalingon nga committee.