Provincial Health Office liwat naga panawagan sa publiko nga mag paninlo sa
palibot karon nga nagasaka ang kaso sang dengue.
Sa datus sang Provincial Health Office, may 874 ka kaso sang dengue ang na
record sa bilog nga probinsya.
Kun ipaanggid sa datus sang nagligad nga tuig, 17.4 percent ini nga mas mataas.
May tatlo naman ka dengue related deaths ang na record.
Mga malagyo nga lugar sa sur nga bahin sang probinsya amo
ang gina tutukan karon bangud sang kadamuon sang ila kaso suno kay Dr
Girlie Pinongan ang Provincial Health Officer.
Mas gina pabaskog man sang PHO ang ila advocacY KONTRA dengue.
Ginatutukan nila ang mga barangay labi na ang may clustering of cases.
Karon nga tig ululan na kag masami indi malikawan ang stagnant water rason nga naga damo ang lamok rason, padayon ang kampanya para sa matinlo nga palibot.
Upod man diri ang kampanya kontra leptospirosis.
Likawan suno sa pho ang pag ubog sa tubig baha labi na kun may pilas.