Omicron variant ang isa sa mga natumod nga kabangdanan sang pagsaka sang Covid-19 cases sang nagligad nga bulan.
Pero halin sa triple digit nga kadamuon sang new Covid-19 cases, nanaog sa double digit ang mga dugang nga nalatnan sang virus humalin sang nagligad nga inadlaw.
Suno kay Dr. Chris Sorongon, deputy for medical data and analysis sang Emergency Operations Center, ginalantaw nila nga antes matapos ang bulan sang Pebrero maganubo pa sa single digit ang new Covid-19 cases sa Bacolod.
Dungan sini ang pagnubo man alert level status sang siudad.
Sa record sang Department of Health 6 yara karon sa high risk classification ang siudad nga may 47 percent positivity rate.
Nagapabilin naman sa moderate risk ang healthcare capacity utilization rate nga yara sa 54.83 percent.