Mga bonus kag cash gift sang mga empleyado sang Gobyerno Probinsyal ang pagasugdan na release.
Sa interview kay Provincial Administrator, Rayfrando Diaz, sini nga November 15, una nga ma-release ang sweldo.
Pag katapos sini ang releasing naman sang year-end bonus sang mga empleyado nga equivalent sa isa ka bulan nga sweldo kasubong man ang P5,000 nga cash gift.
Suno kay Diaz paabuton man ang pag release sang Performance Based Bonus. Ini ang equivalent naman sa 50 percent sang ila nga bulanan nga sweldo.
Wala pa mapat-od kun pila ang iga hatag nga dugang nga bonus sa Disyembre kag ini ang yara na sa kay Governor Eugenio Jose Lacson suno kay Diaz.
Mga permanent kag casual employees ang maga baton sini.
Sa pihak nga bahin, sang kahapon gin-release man ang madugay na nga gina paabot nga HEA ukon Health Emergency Allowance para sa mga healthcare workers nga sadto nag serbe sa tion sang COVID-19.
Ang pondo ang gikan sa gobyerno national kag gina pasalamatan sang probinsya ang bulig para tigayon nga ma-release ini.*