Nagapati ang kampo sang challenger nga si Napoleon Delfinado, Jr nga kun mapatigayon ang recount maga bag-o ang resulta sang election sa mayoralty race sa San Enrique.
Paathag sang spokesperson ni Delfinado nga si Abner Jardinico, napulo man lamang ang abanse ni mayor-elect Jilson Tubillara kay Delfinado, kag suno sa iya may significant number ang mga na reject nga balota rason nga kun mapatigayon ang recount posible ang pagbag-o sa resulta.
Suno kay Jardinico, napadala na ang mga balota sa bago rtc sa mga clustered precincts nga ila gin-contest. Sa karon naga hulat na lamang sila sang ipapanaog nga resolution sang korte kun bala may recount nga matabo.
Sang nagligad nga semana nabaton ni Mayor Tubillara ang kopya sang election protest nga gin file ni Delfinado. Nakapadala na ang kampo ni Tubillara sang sabat nila sa korte. Naga pati si tubillara sa accuracy sang vote counting machines nga bisan pa may recount nga matabo wala sang pag bag-o sa resulta sang piniliay suno sa iya.
“Sa 10 nga boto, may mga rejected ballots nga significant ang number nga ang 10 is daw ka gamay kaayo so may posibilidad nga basi pa lang ma question naton”, suno kay Jardinico.