Wala pa nabaton sang kampo ni suspended Barangay Tangub Punong Barangay Noli Villarosa ang resolution angut sa 60-day suspension nga ginpapanaug batuk sa iya sang Office of the Ombudsman for the Visayas.
Ini may kaangtanan sa administrative case nga conduct unbecoming of a public official kag grave misconduct nga ginpasaka batuk sa iya ni Kagawad Katrina Sonota.
Ginpahayag ni Atty. Dindo Ramos, abogado ni Villarosa nga tinguhaan nila nga mahingaw file ang motion for reconsideration sa Office of the Ombudsman agud nga ma-dismiss ang kaso kasubong sang nangin resulta sa criminal case nga ginpasaka batuk sa punong barangay.
Si Villarosa kag sanday Kagawad Luz Atienza, anay kagawad Jose Ray Pendon kag anay barangay treasurer nga si Ma. Teresa Domadiego ang ginpasakaan kaso bangud sang gin-alegar pag-delay sang payroll agud nga manghulam sang kwarta nga may dies porsyiento nga interes ang mga barangay employees sa live-in partner sang punong barangay.
Ang alegasyon ang ginpanginwala ni Villarosa paagi kay Barangay Singcang-Airport Punong Barangay Caesar Distrito nga nangin anay abogado ni Villarosa.
Na-dismiss naman ang kaso batuk sanday Pendon kag Atienza nga amo karon ang naga-serbe nga acting punong barangay sang Tangub.