Naabtan sang katapo sang Talisay Component City Police Station ang isa ka lalaki nga nagahigda kag wala na nagagiyo sa isa ka subdivision sa Barangay Zone 15, Talisay City sa Negros Occidental, pasado las 12 sang kaagahon, Martes, Agosto 25.
Nagwa sa imbestigasyon nga nagpatigayon sang routine roving patrol ang security guards sang subdivision sang ila makit-an ang duha ka mga lalaki nga naga-attempt magsulod sa isa ka balay.
Ginlagas sang security guards ang duha ka mga lalaki apang nakapalagyo ang isa.
Nadakpan sang security guards ang isa sa mga lalaki kag ginposasan.
Suno sa mga security guards, nagaginhawa pa ang lalaki sang ila ini ginposasan.
Nag-abot ang katapo sang City Disaster Risk Reduction and Management Office kag sang ila gin-assess ang condition sang lalaki, wala na ini sang signs of life.
Ginsiling ni Police Lt. John Patrick Linda, deputy chief for administration sang Talisay PNP, wala sang visible wounds nga nakit-an sa lawas sang lalaki, nga karon nagapabilin nga unidentified.
Ginabulobanta mid-40s ang lalaki, may kataason nga 5 feet and 4 inches, small built, kag may tattoo nga dollar sign sa idalom sang mata sini.
Ginturn-over na ang bangkay sa Scene of the Crime Operatives para sa examination kag agod mahibaluan ang gintunaan sang kamatayon sang lalaki.
“Ang investigation is na ano na sa SOCO para malaman naming yung cause of death ng suspect. Wala siyang sugat sa katawan. Ara sa SOCO, they are conducting further investigation to identify the cause of death of the suspect.. Wala yan silang nakuha, bale na-spottan yan sila ng mga security guards na nag-roroving dun sa subdivision, ginlaot sila tapos ang isa ni yun yung na-apprehend nila sang ginlaon nila tapos ang isa nakatakas,” suno kay Lt. Linda.*
[sibwp_form id=1]