Sa Bacolod City, may pagnubo sa kadamuon sang enrollees sini nga school year kun ipaanggid sa nagligad nga tuig.
Sa June 8 nga datus sang DepEd Bacolod, ginsiling ni RJ Paglumotan ang deputy spokesperson, may 91,959 ka enrollees sa school year 2026-2027.
Ini ang gikan sa datus nga na submit sang kabilugan nga 70 ka mga pampubliko nga buluthuan sa Bacolod.
Kun ipaanggid sa school year 2025-2026 mas manubo ang karon nga tuig. Sang nagligad suno kay Paglumotan may 109,672 ka enrollees.
Isa sa gina lantaw man nila nga rason sa pag nubo sa kadamuon sang estudyante amo nga nag nubo man ang populasyon. Na counter check naman nila ini sa report ukon sa statistics suno sa iya.
Padayon pa man subong ang pag cater sang DepEd sa mga late enrollees pero ang gina paabot nga pagsaka indi naman gid tuman kadaku pa suno kay Paglumotan.
Kun ilakip ang mga nag-enroll gikan sa private schools sini nga school year, as of June 8 yara na ini sa 106,607.
Pero indi pa tanan nga private shools ang naka submit ukon naga represent ang datus sang 76 percent pa lamang sa 202 tanan ka mga eskwelahan sa Bacolod nga naga lakip na sang private kag public schools.
“Isa ka factor, nagnubo actually ang aton population, and in fact ang ini nga data is substantial man sa census. Sa sini nga generation ang mga ginikanan, if you’ve noticed wala na gani gabata”, suno kay Paglumotan.
[sibwp_form id=1]