Siudad sang Kabankalan ang ginpaidalom sa state of calamity.
Sa session sini nga hapon suno kay Vice Mayor Miguel Zayco, unanimous nga gin approve sang SP ang amo nga deklarasyon. Suno sa iya, sa isa ka manifestation, gin lakip ang kahalitan sa tubo sa amo nga deklarasyon.
Suno kay Mayor Benjie Miranda 41.4 percent na sa ila nga mga mangunguma sang siudad ang apektado sang tuman kainit nga panahon. Sa report sang office of the Provincial Agriculturist, 13 ka mga barangay sang siudad ang nag report may kahalitan sa humayan. Nagdangat ang danyos sa 41.9 million pesos. Suno kay Miranda ang siudad isa sa mga lugar nga damlag pa naghinyo na gikan sa DSWD sang 3,000 ka foodpacks kag ginpanagtag sa mga apektado. Suno kay Miranda indi lamang tubig sa pananum ang ginakulang kundi pati man tubig ilimnon.
Sa pagdeklara sang state of calamity suno kay Miranda may bahin lamang sa pondo nga paga gamiton para mabuligan ang mga apektado. Paathag sang alkalde dapat may mabilin pa sa calamity fund labi na nga manugsulod man ang la nina kag ang Kabankalan ang naga eksperiensya man sang pagbaha suno sa iya.