Kaalyado ni Congresswoman Mercedes Alvarez naga pati nga indi siya mag papili bilang vice governor sang probinsya sa 2028.
Posible man ang pag-isa sang mga Zayco kag Alvarez sa Kabankalan City.
Ini suno kay Board Member Jeffrey Tubola sa interview sang media sini nga Martes.
Paathag ni Tubola may isa pa ka term nga bilin si Congresswoman Alvarez kag gina lantaw nga tapuson niya ini.
Antes pa man nag gwa ang mga spekulasyon nga ang hinablos ni Alvarez nga si Board Member Genaro “Ralph” Alvarez, IV ang maga papili vice governor, may mga impormasyon nga nag gwa nga si Congresswoman Cheding ang mahimo maga papili bilang bise gobernador.
Sa Kabankalan City naman, suno kay Tubola may posibilidad nga maga-isa na ang mga Zayco kag Alvarez para sa 2028.
Suno kay Tubola indi naman mag papili pa si anay Mayor Isidro Zayco.
Depende kun sin-o ang iga endorso sang grupo. Sa bahin ni Tubola nga yara naman sa iya last term bilang board member, malayo pa ang 2028, kag depende na sa partido kun ano ang mangin desisyon. Nag gwa man ang iya nga ngalan para sa Kabankalan sa 2028.
[sibwp_form id=1]