Naga hazard ang isa ka awto punibre sa higad sang karsada sa Hinigaran-Isabela Road sa Brgy. Nanunga sa banwa sang Hinigaran sang kagab-i sang mag rekta diri ang isa ka motorsiklo.
Naga hulat nga kargahan sang lungon ang salakyan sang mabunggo diri ang motor nga gina dala ni Hermilo Pajora nga amo ang napatay samtang pilason naman ang iya nga angkas nga isa ka 17-anyos.
Sa imbestigasyon sang Hinigaran PNP, padulong kuntani ang mga biktima sa proper sang Hinigaran nga gikan sa Brgy. Narauis.
Apang hinali nalang sila nga nakabunggo sa naga-park nga awto-punebre nga ginamaneho ni Reynaldo Pilliones.
Gilayon naman nga nagresponde ang Hinigaran LDRRMO kag gindala ang mga biktima sa Hinigaran Medical Clinic apang bangud sa kabaskog sang impact sang pagbungguanay, gindeklarar nga dead on arrival ang driver sang motorisiklo kag nabali naman ang tiil sang menor de edad nga angkas.
Temporaryo nga gin-detain ang driver sang awto punibre.