Incumbent councilor sang Moises Padilla nga si Vincent Garcia nga na ulamid sa kaso nga pag patay sa isa ka konsehal nag sungka sa PNP.
Nag surender sa PNP kaina ang konsehal nga si Vincent Garcia nga hinablos ni Mayor Ella Garcia Yulo kag utod sang ginpatay man nga konsehal nga si Michael Garcia.
Ini matapos malakip sa mga ginpapanaugan sang warrant of arrest sa kaso nga pagpatay sa kay Councilor Jolomar Hilario sang Marso tuig 2019.
Si Vincent nga naga trabaho bilang is ka chef sang matabo ang pag ambush sa mga biktima ang nadala sa mga ginpasakaan sang PNP nga kaso nga murder.
Damlag pa ginsiling na ni Mayor Yulo nga naka leave si Vincent pati na ang duha pa gid ka mga opsiyal pero nag desisyon nga mag sungka na para matapos na ang tanan.
Sang Lunes nag surrender man sanday Councilor Jose Morito Flores, punong barangay sang Quintin Remo nga si Felisa Villaflor, kag mister sini nga si Jonathan.
Si Yulo ang naga pati man nga wala sang kahilabtanan sa krimen ang mga gina tudlo nga opisyales pati na ang iya nga hinablos kag sila ang gina pasibangdan lang sang iya kontra sa pulitika sadto.
Si Yulo kabahin man sa kaso pero wala sang arrest warrant batuk sa iya bangud sa naka detain pa ini sadto sang matabo ang gain alegar pag plano sa pag patay sa kay Hilario.
Naga hulat naman lang sa kron sang commitment order ang PNP kun sa diin i detain ang mga suspek.
Wala man sang pyansa ang kaso nga murder nga gin papanaog sa ila suno sa pulis.