Madasig nga naglapta ang kalayo sa likod sang mga naga idas nga karinderya sa may corner sang Lopez Jaena Street kag Narra Street sa may Capitol Shopping Center sa Bacolod kaina sang aga.
Gani nag responde ang mga bombero sa lugar para mapalong ang kalayo.
Magluwas sa mga hilamon nga nagkala sunog, may naga tambak pa gid abe nga basura nga nalab-ot man sang kalayo.
Pero ang mga naga karidneria wala ginkulbaan. Business as usual pakadto pa kuno sa pihak nga direction ang kalayo.
Ang grass fire ang sahi sang sunog nga masami nga nagakatabo sa karon nga tig-ilinit.
Isa lang abe ka paghaboy sang upos sang sigarilyo sa sini nga luagr, pwede na ini magtuga sang kalayo. Gani panugyan sang Bureau of Fire Protection, likawan ang pagpanutod bangud delikado ilabi na sa kabaskog sang dapya sang hangin kag madasig lang maglapta ang kalayo.