Magluwas sa pagka BPAT member, Barangay Agrarian Reform -Chairman kag Empleyado sang isa ka quarry site si Virginia Abustad sang Sitio Pabrica, Barangay Camansi, Kabankalan City.
Sa imbestigasyon sang Kabankalan PNP, Sabado sang hapon may duha ka persona ang gin-report nga nagtiro sa biktima sa Hda. Sta. Isabel nga ginhalinan sang kamatayon sang biktima.
Dugang pa sang PNP, wala man sang malain nga record sa barangay si Abustad.
Sa statement ni Ka Andrea Guerrero, spokesperson sang Armando Sumayang Jr Command sang New People’s Army Southwest Negros Guerrilla Front, ang biktima ang ila ginsilutan kay ini ang nag serbe nga asset sang army nga nag resulta sa kamatayon sang National Democratic Front ukon NDF consultant nga si Ericson Acosta.
Ginsiling sang rebeldeng grupo nga ang biktima ang nag upod sa army sa pagpatay kay Acosta kag mangunguma nga si Joseph Jimenez sadtong Nobyembre 30, 2022 sa Sitio Makilo, Barangay Camansi sa Kabankalan City.
Sa karon padayon pa ang imbestigasyon sang mga ooridad sa kaso.
Damlag pa ang Regional Peace and Order Council Negros Island Region ang nag pasar sang resolution naga pakamalaot sang pag pamatay sang Communist Party of the Philippines-New People’s Army bangud nangin sunod sunod na ang pagpamatay sang rebelde nga grupo sa isla sang Negros.*