Digicast Negros

Inventory sa mga equipment ginsugdan na

Committee on Good Governance ginasuguran na ang pag usisa sa inventory sang mga equipment sa mga City Departments sa Bacolod.

Indi lang mga government vehicles ang gina isa-isa nga gina usisa sang siudad. Pati mga office equipment, halin sa mga computer set kag iban pa nga government assets ang gina inventory man karon sang siudad pinaagi sa Committee on Good Governance.

Suno kay City Administrator Pacifico Maghari, III, may mga computer unit sila nga na usisa nga indi makita ang CPU. Ang mga government assets ang may memorandum receipt nga na issue sa empleyado kun sa diin naka assign ang equipment gani ang na isyuhan sini ang posible manabat kun may missing nga parts ukon equipment.

Ang inventory pamaagi man suno kay Maghari agud mapat-od kun seviceable kag mapuslan pa ang mga pagkabutang sang gobyerno ukon ibaligya na lamang kun gubaon kag indi na mapuslan pa.

Sa sini nga Pebrero ginalauman ma submit sang tagsa ka departamento ang inventory list.

Exit mobile version
Skip to toolbar