Benitez administration plano nga mabutangan sang internet connection ang tanan nga mga pampubliko nga eskwelahan sa Bacolod.
Luyag ni Mayor Albee Benitez nga mangin mahapos para sa mga estudyante ang pag access sa internet.
Gani sa ila pagsinapol upod sa katapo sang local school board iya ginpabutyag ang plano nga mapabutangan sang internet connection ang mga pampubliko nga eskwelahan sa siudad.
Kabahin ini sang tikang sang iya administrasyon angut sa ginadihon nga paghimu sang siudad bilang isa ka smart city nga may mabakod nga digital infrastructure.
Sa amo man nga pagsinapol ginhinyo sang local school board ang dugang nga improvement sa Rizal Elementary School Phase 2, pag angkon sang mobile learning hub, desktop computers para online learning centers kag Audio systems sa mga buluthuan.