Indi magnubo sa 20 ka balay ang nasunog sa Cadiz City

Ginlamon sang kalayo ang ginabulubanta 20 tubtob 25 ka mga pamalay sa Barangay Zone 4, Cadiz City, Miyerkules sang aga, Marso 25.

Bangud naga tinapik-tapik ang mga pamalay nga kalabanan himo sa mga bagay nga madasig masunog, madasig nga naglapta ang kalayo.

Naglawig sang isa ka oras ang fire fighting operations antes nagdeklarar nga fire-out las 8:01 sang aga.

Nagbinuligay sa pagpalong sang kalayo ang katapo sang Cadiz Bureau of Fire Protection, Cadiz DRRMO kag CREATE Fire Brigade.

Sa karon, padayon pa ang imbestigasyon sa ginhalinan sang sunog.*

[sibwp_form id=1]