
Imbestigasyon kag assessment sa pagpanagtag sang ayuda tagaan atensyon sang bag-o nga pamuno sang sang DSSD sa Bacolod.
Aprobado na sang konseho ang pagtalana sa kay PSWDO division head Richelle Verdeprado bilang bag-o nga pamuno sang DSSD-Bacolod.
Ginpasalig ni Verdeprado nga matagaan prayoridad ang pagpalab-ot sang mga programa bahin sa basic services, kabahin na diri ang kampanya para mabuhinan ang kadamuon sang street children sa siudad.
Nahangpan niya man ang tuyo ni Mayor Albee Benitez nga mapahapos ang pagpalab-ot sang ayuda sa mga nagakinahanglan sang bulig paagi sa digitalization.
Nalakip sa iya tagaan atensyon ang pag-assess sang mga beneficiaries agud mapaiway ang mga kaso sang pagpamentaha kabahin na diri ang gina-alegar pagkuha sang komisyon sa mga nagabaton sang financial assistance gikan sa AICS kag AKAP.
Nagapadayon karon ang imbestigasyon sang DSSD angut sa mga reklamo nga napalab-ot sa alkalde.