Isa karon sa gina tutukan sang Police Station 1 amo nga may kaangtanan sa iligal nga droga ang pag patay sa tricycle driver nga si Julius Dumip-Ig nga nasapwan na lang ang bangkay nga gin bilin sa kilid sang highway sa EB Magalona.
Suno kay Major Ramel Sarona, hepe sang Police Station 1, mismo ang iya live in partner ang nag siling nga naga gamit ini sang iligal nga droga kag may impormasyon man sila nga nabaton angut diri.
Isa man sa posible motibo suno kay sarona amo pag timalos bangud damlag pa may kaso man ini nga theft kag robbery ang biktima.
Gina pat-od pa sa karon sang PNP kun bala may abduction nga natabo bangud suno kay Sarona, wala man sang may nakakita kag nakabati sa pag abduct sa kay Dumip-ig sang Martes sang gab-i sa Barangay 13.