Isa-isa nga nag-abot sa Provincial Prosecutor’s Office sa Dumaguete City ang mga suspek sa pagpatay sa American marine biologist nga si Dr. Kent Carpenter, Biyernes sang aga, Hulyo 17.
Makita man ang pag-abot sang 34-anyos nga live in partner sang biktima nga amo ang nagtindog bilang complainant-witness sa pagpasaka sang kaso sa mga suspek.
Suno kay Police. Col. Timmar Alam, provincial director sang Negros Oriental Police Provincial Office, napasakaan sang kaso nga robbery with homicide via inquest proceeding sanday alyas “M.O.”, 26-anyos, nga amo ang nagtiro kay Carpenter, kag alyas “J.F”, 40-anyos. Sila ang nadakpan sa hot-pursuit operation.
Samtang, ipaagi sa regular filing ang pagpakasa sang kaso kay alyas “C.D.”, 21-anyos, kag sa ikaapat nga suspek nga nagsungka sa kapulisan.
Suno kay Alam, wala magsulod sa hot-pursuit ang pagdakop sa ikatatlo kag ikaapat nga suspek, samtang isa ka persona ang nagapabilin nga at large.
[sibwp_form id=1]