Digicast Negros

IDMU ginmanduan nga magbulig sa mga police stations sa paglubad sang sunod-sunod nga kaso sang patyanay

Police Station 4 photo

Katapo sang Investigation and Detection Management Unit ginmanduan nga buligan ang mga pnp stations agud matagaan sang kalubaran ang mga serye sang kaso sang pagpamatay sa Bacolod.

Ang PNP ang padayon nga nagapasalig sa publiko nga wala sang dapat ikaalarma sa nagaluntad nga krimen.

Lima na ka mga persona ang nagkalamatay sa separado nga shooting incident sa Bacolod sa pagsugod sang bulan sang hunyo, tatlo diri nagluntad sa sulod lang sang isa ka semana.

Suno kay Police Major Sherlock Gabana, spokesperson sang Bacolod City Police Office. Ang Investigation and Detection Management Unit amo karon ang gintalana para maghatag sang assistance sa mga police station sa pagsolbar sang mga kaso sang pagpamatay.

Ginpasalig man sang pamunuan sang BCPO nga wala sang dapat ikaalarma ang publiko angut sa mga hitabo tungod padayon ang ginahimu nga anti-crime prevention operation, patrol kag checkpoint operation sang kapulisan para mapabaskog ang peace and order sa siudad.

Mas estrikto man nga ginapatuman karon sang BCPO ang curfew angut sa natukod nga executive order sang alkalde.

Indi man malipod nga kadam-an sa mga kaso sang pagpamatay ang may kaangtanan sa iligal nga droga. Tubtob karon kadam-an diri ang wala pa malubad.

Exit mobile version
Skip to toolbar