Nagsukat na apat ka bulan subong nga adlaw ang enkwentro sa Toboso kun sa diin 19 ka mga gin-report katapo sang NPA ang nagtaliwan.
Nagtipon sa replica sang Bacolod City Government Center sa kilid sang Bacolod Public Plaza ang nagkalain-lain nga grupo sa pag panguna sang Defend Negros kag Manindigan Negros para ipanawagan ang hustisya sa ila gina tawag Negros 19.
Ila man gina singgitan ang pag untat sang ila gina siling militarization sa mga komunidad.
Suno kay Atty Maria Sol Taule ang Deputy Secretary General
sang KARAPATAN Alliance Philippines, padayon ang moto proprio investigation sang Commission on Human Rights.
Sila ang naga panindugan nga nalakip sa mga napatay ang pila ka mga sibilyan.
Ang mga himata sang nagtaliwan natalana pa nga mag file sang reklamo suno kay Taule.
Apat ka bulan ang nagligad suno sa grupo, sila sa gihapon ang naga singgitan sang hustisya para sa Negros 19. Tubtob gani subong, suno sa iya may duha ka pamilya nga padayon naga hulat sang bangkay sang ila nga himata matapos nga nag sala ukon nag switch ang mga bangkay.
Ang mga human rights group nagasiling nga isa ka massacre ang natabo kag naga panindugan sila nga may mga pagsupak sa International Humanitarian Law sa natabo nga encounter sadtong Abril 19.
Ang militar humalin pa sang sugod, sa ila nga bahin ang nag pahayag nga isa ka lehitimo nga encounter ang natabo kag wala sang sibilyan sa 19 nga naga lakip sang duha ka dumuluong.
[sibwp_form id=1]