House visitation mangin kabaylo sang tokhang operation sa kampanya kontra iligal nga droga sa Bacolod City.
Humalin sang naghuyang ang mga health restrictions sa kampanya kontra Covid-19, mas ginpabaskog naman sang katapo sang City Anti-Drug Abuse Council ang pagpatuman sang house visitation sa mga inbidual nga yara sa impluwensya sang iligal nga droga sa mga kabarangayan.
Suno kay CADAC program coordinator Retired Police General Primitivo Tabujara, ang house visitation ang nangin kabaylo sang tokhang operation agud nga mas maganyat ang mga drug users nga yara sa low risk nga magpaidalom sa rehabilitation program.
Sa pagbukas sang Balay Silangan may 18 na ka mga indibidual ang nag-graduate sang nagligad nga tuig.
Pinaagi sa Community Drug Rehabilitation Program nagsaka man sa 14 ang drug-cleared barangays sa Bacolod.
Ini man ang kabangdanan nga sa pagsugod sang 2023, nakabaton sang award ang CADAC halin sa Department of the Interior and Local Government bahin sa nangin performance sang siudad sa anti-drug abuse program.