Para sa grupo nga GMO Free Negros, ang pag host karon sang Bacolod kag Negros Occidental sang Terra Madre Asia and Pacific 2025 isa ka higayon nga sila ang maka tib-ong sang ila nga kampanya batuk GMO.
Para kay Atty Andrea Si katapo sang grupo, gin paiway man anay ang pag talakay sang GMO Regulation Ordinance nga damlag pag gin-certifiy urgent ni Governor Eugenio Jose Lacson, ang tigayon nga pag pasar sang ordinansa sa ulihi ang parehos lamang nga gin-reverse ang tanan nga gin trabaho para sa GMO free Negros sa nagligad nga 19 ka tuig.
Isa ka kahuy-anan suno sa iya kun pag katapos sang Terra Madre hosting matigayon pasar ang ordinansa kay isa man gani sa rason kun ngaa natigayon ini kay bangud ang probinsya GMO free.
Paathag ni Si aktibo siya sa kampanya bangud nagapati siya nga indi pwede ma impon ang GMO kag organic agriculture bangud sang contamination.
Dugang pa niya nakit-an man sang tanan ang sini lamang nga pagbaha. Para kay Si wala sa mga sugarplanters ang magatanom sang GMO corn, gani kun indi sila, pangitaan naman sang mga lugar kun diin pwede makatanum kag madugangan ang mga banglid nga hawanan para diri.
Indi man bentaha suno sa iya ang GMO para sa farmers bangud sila ang mangin dependent sa dalagko nga kumpanya bangud wala man sang binhi ang mga mangunguma kay ini ang baklon nila.
Nagapanindugan ang Kapitolyo nga kinahanglanon ang GMO Regulation Ordinance para mapasiguro ang food security sang probinsya.
Paagi sini matugutan ang pag produce sang GMO feeds para sa kasapatan. Luyag nga ma solusyonan sang probinsya ang isa sa mga naatubang na sini nga pag panghangkat kag kinahanglan man masuportahan ang swine, gamefowl kag poultry industry.*