Ini ang kadungan sang selebrasyon sang Valentine’s Day sang Sabado.
Suno sa tagpamuno sang Bacolod Anti-Mendicancy Management Division nga si Anjanette Servano, ang mag-asawa nga si Rolando kag Sharon Toledo, kaupod sang lima sini nga mga kabataan ang ila nga na rescue sa kilid sang public plaza.
Ang pag-rescue sa ila kabahin sang nagapadayon nga anti-medicancy programa sang Department of Social Services and Development sang siudad.
Nangin magkahahugma si Rolando kag Sharon sa sulod sang 21 ka tuig antis sila nakasal.
Lunsay nga barker ang duha, samtang ang lima sini nga mga kabataan ang nagapanglimos sa downtown area.
Matapos nga na rescue ang bug-os nga pamilya, sila karon ang temporaryo nga ginpamahamtang sang siudad sa Arao Relocation Site sa Barangay Vista Alegre.
May tatlo man ka mga Job Order Employees sang siudad ang ginkasal sa mass wedding ceremony.
Ginsiling ni Mayor Greg Gasataya sa flag raising ceremony kaina, nga magahatag siya sang gamay nga kantidad para sa tatlo ka empleyado agud gamiton para sa ila nga honeymoon.
Ang nasambit nga kahiwatan ang ginserbehan ni Gasataya bilang officiating Minister.*
[sibwp_form id=1]