Ginpanubuan na sa napulo ka adlaw ang isolation para sa mga asymptomatic nga Covid-19 positive.
5 days naman para sa mga healthcare workers.
Magluwas diri ginatugutan naman sang Inter Agency Task Force ang home quarantine. Pero sandig man sa pagsulundan dapat fully vaccinated ang Covid-19 positive, amo man ang katapo sang iya panimalay.
Ang Emergency Operations Center sa bulig sang mga barangay health care workers amo ang maga-evaluate kun pwede ang home quarantine sa isa ka Covid-19 positive.
Bisan pa aprubado na sang IATF ang home quarantine, ini ang gina-discourage naman sang pamuno sang city health office sa pagpati nga mas nagakaangay nga sa mga government isolation facility mag-quarantine ang mga nagpositibo sa virus.
Kabahin sa mga requirement para sa home quarantine amo nga mapasiguro nga may separado nga kwarto kag banyo ang tiniran sang gina-isolate nga Covid-19 positive.
Indi pwede ang home quarantine kun may mga katapo sang panimalay nga may co-morbidity kag may mga magagmay nga kabataan.