Indi tigayon nga ma pwersa ang mga hog traders nga sundon ang floor price nga gin pa gwa sang probinsya para sa baboy kag karne sang baboy.
Ini suno kay Negros Occidental Governor Eugenio Jose Lacson matapos nga mag konsulta man sa Provincial Legal Office.
Ang pag pa gwa sang floor price sa baboy kag karne sang baboy suno kay Lacson tuyo kuntani nga mag serbe nga guide sa presyo sang baklanay.
Damlag pa ang mga hog raisers sa probinsya sa idalom sang Alliance of Hog Raisers Association ang nag panawagan nga mabuligan sila para mapangapinan man sila sa sobra ka barato nga baklanay sang baboy.
May gin pa gwa man nga floor price ang probinsya pero sa gihapon ang mga traders suno sa ila ang naga dikta sang presyo.
Nanaog sa tubtob P115 kada kilo ang baligyaanay sang live weight sang baboy nga tuman na ka pierde para sa mga hog raisers.
Madamo karon ang supply sang baboy sa probinsya. Isa sa gina tudlo rason sang mga grupo sang hog raisers sa national nga lebel amo ang importation kag smuggling.
[sibwp_form id=1]