Martes nagsapol na ang Office of the Civil Defense sa LGU sang Himamaylan bahin sa pag pahamtang sang tent city sa siudad.
Suno kay Task Force Kanlaon Head, Raul Fernandez, kahapon nagsapol sila sa LGU kag gintalakay ang mangin papel kag katungdanan sang host kag sang apektado nga LGU.
Ginalantaw nga sa Himamaylan paga dal-on ang mga evacuees gikan sa La Castellana enkaso nga magsaka sa alert level 4 ang bulkan Kanlaon.
Suno kay Fernandez, padayon pa ang pagpanghanda sa Tree Park nga naga lapad sang 9 hectares kag maga serbe location sang tent city.
Sarang ini maka accommodate sang 500 ka tents nga pwede magbaton sang 500 man ka pamilya.
390 ka tents ang nag-abot sa Himamaylan.
Dugang pa niya, gina lantaw nga mangin pilot tent city ang Himamaylan.
Suno kay La Castellana Mayor Rhummyla Nicor Mangilimutan naka istorya na sila ni Himamaylan Mayor Raymund Tongson bahin diri pero wala pa sang Memorandum of Agreement nga nalagdaan.
Nagahulat man siya nga maplastar anay ang tanan agudto nga klaro man.
Kun matigayon ang Himamaylan, ginalantaw man sang OCD ang pag patukod sang tent cities sa Talisay, Silay kag Kabankalan Cities kag Panaad Park kag sa Negros Oriental sa Vallehermoso kag Giuhulngan City.