Digicast Negros

Hearing gin set na para sa nag petisyon sa pagsaylo sang residency ni anay Cong. Albee Benitez

Hearing sa opposition nga gin-file sang tatlo ka persona batuk sa application for voter’s registration ni anay congressman Albee Benitez ang natalana.

Suno kay Bacolod Comelec officer Atty Kathrina Trinio-Cana nabaton sang iya nga talatapan ang oppostion nanday Hector Yula, Teodoro Abao kag Jonah Abao kahapon July 13, kun sa diin ila nga gina kwestion ang residency ni Benitez nga damlag pa nag file sang iya application for voter’s registration sa Bacolod City.

Suno kay Trinio-Cana iya nga padal-an sang notice subong nga adlaw para sa election registration board hearing sa Lunes si Benitez kag ang grupo sang mga nag oppose.

Sa katapusan sang bulan maga pa gwa ang ERB sang desisyon nga maga resolve kun bala sarang nga mangin registered voter sang Bacolod si Benitez.

Ang ERB ang gina tapuan sang Comelec, local civil registrar kag Bacolod DepEd.

Sa pahayag nga ginpadala naman ni Benitez iya ginsiling nga ang opposition sa iya nga voter’s registration ang ginapaabot.

Suno sa anay kongresista, indi magsanyug pa ang amo nga lihok bangud ang mga rekisitos sa layi ang iya nga na comply.

May mga panawagan kay Benitez nga magpapili bilang mayor sang Bacolod pero sya ang wala pa maka desisyon bahin diri.

Exit mobile version
Skip to toolbar