Halit sa agrikultura sa banwa sang La Castellana bangud sang pagbuga sang bulkan Kanlaon ang nagdangat na sa 194 million pesos.
Humalin sa paglupok sang bulkan Kanlaon sadtong Hunyo 3, nagdangat na sa ₱194 milyones pesos ang kahalitan sa agrikultura nga natuga sang bulkan sa banwa sang La Castellana.
Ini ang suno kay La Castellana Mayor Rhummyla Nicor-Mangilimutan. Dugang pa niya linibo na ka mga mangunguma ang apektado sa amo nga kahalitan.
Isa na diri ang coffee farmers. Ang La Castellana ang top producer sang kape sa Negros Occidental.
Suno pa sa alkalde, posible mas dako pa ang kahalitan sang pag alburuto sang Bulkan Kanlaon bangud may mga mangunguma pa sila nga wala nalab-ot ilabi na ang yara sa nabukid na nga bahin sang banwa.
Ang mga barangay nga apektado amo ang Brgy. Masulog, Mansalanao, Cabagnaan, Biak na Bato, Sag-ang kag norte nga bahin sang Barangay Cabacungan, Manghanoy kag Camandag.
Dugang pa niya nagpangayo na siya sang bulig sa president para mapangitaan sang salayluhan nga lugar ang mga naga puyo sa sulod mismo sang 4 km permanenr danger zone ilabi na karon nga estrikto na nga ginapatuman nga dapat wala na may naga puyo sa sini nga area sang bulkan.