Nagsaka sa 173.5 million pesos ang balor sang kahalitan sa pananum tuga sang drought kag dry spell.
As of April 12, sa report sang Office of the Provincial Agriculturist kay Governor Eugenio Jose Lacson, 168.8 million pesos ang balor sang kahalitan sa palay kag 4.7 million naman ang kahalitan sa maisan. 23 na ka mga banwa kag siudad gikan sa 1st tubtob 6th District ang nagreport sang kahalitan sa palay pero ang kadam-an diri ang yara sa southern Negros. Ang banwa sang Cauayan ang may pinaka daku nga gin-report kahalitan – 67.8 million pesos kag naga sunod naman ang Kabankalan City – 41.9 million pesos. Lima naman ka mga banwa kag siudad ang nag-report sang kahalitan sa maisan. Sa kabilugan may 4,431 ka mga mangunguma ang nag report apektado sang tuman nga kainit nga panahon tuga sang El Nino Phenomenon.