Bulong kag pagrespeto sa diretso ang ginahinyo sang X-Man, ang grupo sang mga unvaccinated individuals nga nag-rally sa gwa sang Government Center agud pamatukan ang ginakabig nila nga mandatory vaccination sa pungsod.
Suno sa grupo nga kun basehan ang Republic Act 11525 wala man nakasaad nga mangin mandatory ang pagpabakuna.
Suno kay Atty Jerry Basiao, isa sa mga nag upod sa rally, indi malipod nga may polisiya nga nagahatag kabudlayan sa mga unvaccinated kabangdanan nga halos wala man sang pili-an ang pumuluyo.
Bagay nga para sa ila indi man dapat ipilit sa publiko ang bakuna, sa baylo tagaan sang diretso ang tagsa ka indibidwal nga magpili kun mapabakuna ukon indi.
Ginpahayag na ni Acting Presidential Spokesperson Karlo Nograles nga wala man sa mga resolution ang Inter Agency Task Force nga nakasaad ang pagpilit sa mga indibidwal nga magpabakuna magluwas lang sang pag require sang negative RT-PCR test result ukon rapid antigen test sa mga indi bakunado.
May masobra na 56 milyones ang fully vaccinated sa pungsod nga nagapakita nga supportado sang publiko ang vaccination program suno sa Malacanang.