May 51 ka mga barangay sa Negros Occidental ang gin deklarar nga areas of election concern sa sini nga Barangay kag SK Elections. Pero, suno kay Governor Eugenio Jose Lacson indi naman makabig nga maka alarma ang amo nga deklarasyon. Sa pag tipon kahapon sang Regional Joint Security Control Center sa Camp Martin Delgado sa Iloilo City, 172 ka mga barangay sa Western Visayas ang gin-aprobahan nga areas of concern. 51 diri ang gikan sa Negros Occidental. Suno kay Governor Lacson, gin paathagan man sila nga kun may mga lugar nga ginkabig bilang areas of concern ini bangud may mga insidente sa lugar kag wala naga kasayuran nga ang amo nga mga insidente gilayon nga may kaangtanan sa mga kandidato. Sa gihapon naga paabot nga gobernador sang isa ka matawhay kag malinong nga pinliay sa Oktubre.
Sa listahan sang RJSCC, may tatlo ka mga barangay nga gin tag bilang red category ukon areas of grave concern, 45 naman ang orange ukon areas of immediate concern kag tatlo naman ang yellow ukon areas of concern.
Ang yellow category nagakasayuran nga may yara sang natabo nga suspected election-related incident ukon ERI sa lugar sa nagligad nga duha ka piniliay, ukon may yara sang intense partisan political rivalry, ini tanan basta wala sang pagpakigbahin gikan sa domestic terror group. Yellow category man may possible employment sang partisan armed group sang mga kandidato sa lugar; kun may yara sang natabo nga politically motivated ERI sa sini nga piniliay ukon ang lugar ang damlag pa na paidalom sa COMELEC Control.
Ang Orange naman nagakasayuran sang combination sang duha ukon masobra pa diri ka mga factors sa idalom sang yellow category, ukon may serious armed threat gikan sa NPA kag iban pa nga mga armado nga grupo. Ang Red naman may isa ukon masobra sa mga factors sa idalom sang yellow category kag may serious armed threat gikan sa NPA ukon kasubong nga grupo.