Nagsugod na bilang OIC-Provincial Health Officer si Dr Girlie Pinongan karon nga adlaw kag mando sang gobernador sa iya amo ang pagpasiguro sang katumanan sang mga health programs.
Suno kay Lacson, luyag niya nga mabatyagan sang mga Negrense nga yara ang probinsya para sa ila labi na sa mga kinahanglanon sini nga health services.
Paathag ni Lacson ang mga health program dapat napatuman sa local level kag dapat nga hayluhon ang mga municipal kag city health offices nga mag trabaho man sang santo sa ila nga katungdanan.
Ehemplo sa mga pagpanghangkat nga na atubang sang probinsya amo ang mataas nga dengue cases nga kun isipon suno kay Lacson sa kada tuig ini ang gina atubang kag kuntani mag panikasog para mas mapaayo ang programa.
Tutukan man ang Universal Health Care karon suno kay Lacson nga may madamo sang compliance kag tinguhaan nga mas mapaayo ang status sang probinsya bahin diri.