Site icon Digicast Negros

Gov Lacson: seryoso ang kampanya sang probinsya vs bird flu, ASF

YouTube player

Seryoso ang probinsya sa kampanya kontra Avian Flu kag African Swine Fever rason nga wala naga  tugot ang Task Force sang bisan gamay nga higayon nga ma kompromiso ang ginapatuman nga seguridad.

Paathag  ni Governor Eugenio Jose Lacson nga magapadayon ang probinsya sa pag hatag sang proteksyon sa palangitan-an sang mga Negrosanon labi na ang bahin sa livestock – ayhan sa  manok man  ukon  sa baboy.

Sang nagligad ginsunog sang otoridad nga naga lakip sang joint task force sang Bacolod kag Negros Occidental ang 240,000 ka itlog nga naga balor sang 1.4 million pesos, nga wala sang nagakaigo nga dokumento nga yara sa Bredco Port.

Padulong ini kuntani sa Iloilo.

Wala naman na tigayon ship back bangud ginsiling man, suno kay Lacson, sang personnel sang amo nga delivery nga ipabilin sang mga tag-iya ang amo nga shipment.

Samtang, nag-ani man sang nagkalain-lain nga mga sentimiento ang amo nga tikang nga naga lakip sang iya ni Mayor Javi Benitez sa kanugon sa pagsunog sang itlog pero suno kay Lacson.

Gina respeto ini ni Lacson kag wala man siya sang may nakita nga konpilkto diri. Pero ang probinsya suno sa gobernador ang indi maga kumpiansa kag pangapinan ang livestock industry.

Exit mobile version
Skip to toolbar