Governor Eugenio Jose Lacson ang nag mando sang pre-emptive evacuation sang mga persona kag pamilya nga yara sa high risk area bangud sang dala nga risgo sang bagyo.
Na ka red alert status naman ang Emergency Operation Center.
Sa Executive Order nga ginpapanaog ni Governor Lacson, ginmando ang pre-emptive evacuation sa mga flood prone, landslide prone kag storm surge prone area sa Negros Occidental sa pag pasiguro sang safety sang publiko.
Suno kay Lacson ang tikang naga pasiguro nga malikawan ang kahalitan sa mga propiedad kag pag ka utas sang kabuhi bangud sang bagyo Verbena.
Ang mga alkalde sang nag kalain-lain nga banwa kag siudad ang gina maduan nga gilayon mag patuman sang pre-emptive evacuation.
Ang Provincial Disaster Risk Reduction and Management Council ang maga coordinate na sa mga LGU angut sa pag patuman sini.
Ginsiling ni Irene Bel Plotena nga ila na na plastar ang tanan lakip ang pag preposition sang mga assets sang PDRRMO kasubong man sang mga goods.
As of press time yara sa orange rainfalll category ang Negros Occidental ukon heavy to intense rains ang maga tupa.
Angut diri naga abiso man ang PHO nga magsunod sa direktiba kag indi na paghulaton ang pagbaha kag mag evacuate.*