Magahulat si Negros Occidental Governor Eugenio Jose Lacson sang mangin desisyon sang mataas nga pamunuan sang nationalist People’s Coalition kun sin-o ang ila mangin kandidato para sa 2022 presidential race.
Kahapon ginlunsar nanday Senador Panfilo Lacson kag Vicente Sotto III ang ila nga pag updanay para sa 2022 elections.
Ginapamunuan ni Senador Lacson ang partido Para sa Demokratikong Reporma, si Sotto naman ang chairman sa karon sang NPC.
Kasunod sang amo nga development suno kay Governor Lacson wala pa man sang official advise sila nga nabaton.
Katapo sang NPC si Governor Lacson. Sa iya nga bahin kun ano ang mangin desisyon sang grupo maga ugyon siya diri.
Sa lokal nga lebel gusto man kuntani ni Governor Lacson nga may isa ka kandidato nga pagasuportahan ang mga local officials ugaling sa dalagan karon sang sitwasyon mabudlay ini nga malab-ot. May pila na ka mga alkalde damlag pa ang nagpabutyag sang suporta kay presidential daughter, Mayor Sara Duterte kun mag desisyon ini nga magpapili bilang presidente.