Dali na man lang ang eleksyon kag sa indi madugay mahibaluan ang mangin resulta sini.
Ini ang nangin reaksyon ni Governor Eugenio Jose Lacson, kasunod sang pahayag sang national executive director kag secretary general sang PDDS ukon Pederalismo ng Dugong Dakilang Samahan nga suportado ni Presidente Rodrigo Duterte ang iya nga kasumpong sa gubernatorial race nga si anay congressman John Orola.
Sa isa ka press conference sang Lunes ginpahayag ni Glen Badon nga kapartido ni Orola nga suportado ni Duterte ang anay kongresista.
Nagbisita si Badon sa probinsya para magkampanya man kay Orola.
Ginpahayag man sini nga sila ang naga negotiate pa sa pamilya Yanson para sa suporta kay Orola.
Ginsiling ni Badon nga sila ang naga pakigsugilanon kay Olivia Yanson. Para kay Lacson ini lamang ang naga kumpirma sang ila na damlag pa nahibaluan na.
Magapadayon ang eleksyon suno sa iya kag sa indi madugay mapat-od na ang mangin resulta sang piniliay.